Editorial Susaeta utiliza cookies para mejorar tu experiencia como usuario en nuestro sitio web. Si continúas navegando entendemos que aceptas su uso.
close
BILAKETA AURRERATUA

Bilaketa-irizpideekin bat datozen produktuak ez daude.

BILAKETA AURRERATUA
Kategoriak:
Katalogoak:
Prezioa: Prezioan:
Adinetik: Adina:
Bilduma:
Erreferentzia:
ISBN:
Koadernaketa:
Tamaina:
Orrialdeak:
Adina:
Hizkuntza:

NOR GARA

Enpresa Raimundo SUSAETA jaunak sortu zuen 1963an. Hasiera batean industria grafikoaren arloko enpresa izan bazen ere, hainbat urte geroago argitaletxe bilakatu zen.
Gaur egun, enpresa honako hauek osatzen dute: argitaletxea; aurreinprimatze, inprimatze eta koadernaketa sailak; eta banaketa-gune modernoa, gure bezeroei liburuak bidaltzen dizkiena Espainian, Europan eta Amerikan zeharreko berezko banaketa-sarearen bidez.

SUSAETA argitaletxea liderra da haur eta gazteentzako gaztelaniazko liburugintzan, eta sukaldaritzako, lorezaintzako eta brikolajeko liburuen eta, oro har, liburu praktikoen argitaletxe nagusietako bat da; izan ere, urtean 300 liburu inguru kaleratzen ditu.

ERRESEINA BIOGRAFIKOA

RAIMUNDO SUSAETA
SUSAETA ARGITALETXEAREN SORTZAILEA

Raimundo Susaeta 1920an jaio zen Estavillon, Arabako herrixka batean, nekazari-familia xume batean. Humanitateak eta Teologia ikasi zuen Gasteizen. Soldadutza Iruñean egin zuen, Gerra Zibilaren garaian, eta bost urte igaro zituen han. Hiri hartan ezagutu zuen bere emaztea izango zen Lourdes Erburu. Aisialdian, haurrentzako antzerkigintzan aritu zen, irrati bidezko hitzaldiak eman zituen eta bere lehen liburua argitaratu zuen: Firminio de Pompelo. Beste hainbat obraren zirriborroak idatzi zituen, baina, zoritxarrez, gerran zehar galdu egin ziren. Soldadutza amaitzean, Madrilera jo zuen lan bila.


Garai latzak izanik, zailtasun handiak jasan zituen. Azkenik, bere ahalegin nekaezinari eta argitasunari esker, lana lortu zuen “Mundo Hispánico” aldizkarian, erredakzioko idazkari gisa. Beste hainbat egunkari eta aldizkaritan ere kolaboratu zuen, eta horrek egoera ekonomiko egonkorra ekarri zion, ilusio handien egiten ziona ahalbidetuz: Lourdesekin ezkondu zen.


Hurrengo urtean, bikotearen lehen semea jaio zen. Haren izaera ekintzaileak Limara eraman zuen 1949an, non inprenta bat zabaltzeko asmoa zuen Donostiako bazkide kapitalista batekin. 1953. urtean, bion artean, eta espainiar teknikari talde baten laguntzaz, IBERIA S.A. izeneko enpresa grafiko bat sortu zuten, herrialde hartako “offset industria” garrantzitsuenetako bat bihurtu zena.


Hamalau urte geroago, Espainiara itzuli zen bere emaztearekin eta lau seme-alabekin, bere enpresa propioa sortzea buruan. Susaeta Ediciones S.A. sortu zuen, haur literaturako argitaletxea. Konpainiaren hedapena bultzatu zuen, Espainian eta Latinoamerikan zehar ordezkaritza ugari zabalduz.


Raimundo jauna, Susaetan esaten zioten bezala, 1984ko abenduaren 15ean hil zen gaixotasun luze baten ondorioz, maite zutenak alboan zituela eta oinorde moduan enpresa sendo bat utzita.
Familia-enpresa honek hazten jarraitu du haren seme-alaben zuzendaritzapean, baita Europa eta Amerikan zehar hedatzen ere. Hala, Espainian nahiz nazioartean prestigio handieneko haurrentzako argitaletxe bilakatu da.

Gehiago jakin: https://es.wikipedia.org/wiki/Raimundo_Susaeta_Ogueta

LOGISTIKA-GUNEA ETA BANAKETA-SAREA

SUSAETA argitaletxeak duela hamar urte baino gehiago berregituratu zuen bere banaketa-sistema, eta penintsulan barrena 13 biltegi izatetik Daganzo de Arriban (Madril) biltegi bakarra izatera igaro zen. Gaur egun, Europa osoan dagoen liburuen logistika-gune modernoenetakoa da. Gune horretatik, gure bezeroen eskariak Europara, Espainiara eta Amerikara bidaltzen ditugu.

BESTE ARGITALETXE BATZUK

1994an TIKAL argitaletxea sortu zen, helduentzako liburuak kaleratzeko (osasuna, kirola, naturismoa, etab.).

TIKAL EDICIONES

C/ Campezo, Nº13
28022 Madrid
Tel. 913 009 100

tikal@susaeta.com

Servilibrok, produktu bereziak ekoizten ditu; hau da, merkataritza-gune handiei saltzen dizkie bere produktuak, eta beste merkatu batzuetan ere aritzen da: supermerkatuak, salneurri finkoko dendak, enkarguko produktuak, etab.

SERVILIBRO EDICIONES, S.A.

C/ Campezo, Nº13
28022 – Madrid
Telf. 913 009 102

general@servilibro.com

www.servilibro.com

Enpresa honek puzzleak eta joko hezigarriak ekoizten eta saltzen ditu.

DINOVA

C/ Campezo, Nº13
28022 – Madrid
Tel.: 913 009 100

general@juegosdinova.com

www.juegosdinova.com